TVG EUROPA

A TVG pon o corpo en movemento con 'Pulso activo', un novo formato diario de saúde e benestar. O espazo, presentado por Eddy Insua, propón unha rutina diaria de exercicio adaptado para mellorar a saúde, combater o sedentarismo e encher as mañás de enerxía positiva.

Na clase de hoxe, Eddy, o noso preparador, propón unha sesión con esteira e goma centrada no cardio e na forza. Anxo, Noemi, Raquel e Estrella acompáñano nesta rutina esixente. Nos testemuños, comparten as sensacións e impresións que lles deixou a práctica dos exercicios e reflexionan sobre se a dor é necesaria durante o adestramento e sobre a súa fama.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade.

Loli Gómez e Marcial Mouzo conducen un programa en que persoas de toda Galicia compartirán historias de vida e buscarán novas amizades.

Programa vivo e variado, presentado por Quique Morales e Rocío Durán, onde as grandes protagonistas son as historias cotiás dos galegos e galegas.

Terceiro día da nosa particular semana e o bote do "Atrápame" está nos 34 300 euros. Van pelexar por el Carmen da Coruña, Cristian de Sanxenxo, Carmela de Abegondo, Nachortas de Catoira e Belén da Coruña. Vaise decidir todo no "Minuto final", onde cada pregunta ben contestada ten un valor de 100 euros, pero se o concursante responde correctamente ás cinco cuestións, leva o gran premio.

Lorena Pose encárgase da información deportiva.

O "Land Rober + Show" chega disposto a revolucionar as noites da Televisión de Galicia. O programa conducido por Roberto Vilar dá un paso de xigante con este novo formato diario, de luns a xoves. Un espazo renovado, cheo de ritmo, humor e moitas sorpresas, que promete facer rir como nunca.

Xosé Antonio Touriñán e David Perdomo responden as preguntas que ninguén se atreveu a facerlles antes. Encarnando os seus personaxes máis famosos, acoden a unha cita romántica cunha voluntaria. Roi Méndez intenta descubrir que presentador da TVG é asiduo a un motel e a psicóloga Ana Castro Liz explica por que nos sentimos atraídos por unhas persoas e non por outras.

Programa que achega a nosa realidade, para vivir as pequenas historias de cada día, da man de Alfonso Tellado, xubilado da Bazán e de profesión 'galego retranqueiro'.